Урмите се од семејството на палми, и ги споменуваа уште древните Феникијци.
Се смета дека потекнуваат од регион кој се протега помеѓу Египет и југозападна Азија. Урмите се главната храна на Блискиот Исток илјадници години.
Тие се прилично благи, па затоа се делумна замена за слатките. Меѓутоа, покрај таа корист, нудат бројни здравствени придобивки.
Урмите се богати со хранливи материи
Три урми имаат околу 200 калории и 54 грама јаглени хидрати со околу 5 грама влакна. Тие вклучуваат витамини Б, витамин К, калциум, железо, магнезиум, калиум, цинк и манган.
Урмите и антиоксидансите
Покрај содржината на витамини и минерали, урмите се богати со природни антиоксиданси, кои можат да се користат за борба против болестите поврзани со оксидативниот стрес. Оксидативниот стрес се јавува кога постои нерамнотежа помеѓу производството на слободни радикали кои ги оштетуваат клетките и способноста на телото да се спротивстави на нивните штетни ефекти. Урмите исто така содржат антиинфламаторни и антимикробни соединенија, што значи дека тие играат улога во борбата против заразни болести. Имаат и антигабични својства, пишува Здравје.
Урмите се природно благо
Многу луѓе мислат дека урмите се сушено овошје, но тие всушност се свежо овошје. Бидејќи тие се необработени, шеќерот се појавува природно.
Урмите и дигестивно здравје
Според истражувањата, три урми обезбедуваат околу 18% од дневниот внес на влакна, што ја поддржува добрата дигестивна функција.
Урмите го намалуваат холестеролот
Урмите имаат способност да го намалат нивото на ЛДЛ, несакан холестерол во телото. Тие се одлична храна за оние кои имаат висок холестерол, што подоцна може да доведе до таложење на маснотии и бројни кардиоваскуларни проблеми.
