Мирза Хатиќ синоќа беше уапсен, а информацијата ја потврди неговиот адвокат Омар Мехмедбашиќ за порталот „Аваз“.
Според извештаите, Хатиќ е уапсен поради загрозување на безбедноста.
Босанските медиуми го нарекуваат „босанскиот Кристијан Голубовиќ“ и „поранешен затвореник, а сега тиктокер и јутјубер“.
Да потсетиме, Мирза Хатиќ беше поврзуван со старлетата и реалити ѕвездата Маја Маринковиќ, рушеше крст, сакаше да влезе во реалити шоуто Задруга, а порано ја навредуваше и јавната личности Кристијан Голубовиќ и Бака Прасе.
Исто така, во јавноста се поврзува со обид за рекетирање на Халид Бешлиќ. Тој во септември 2023 година беше ранет во Сараево.
– Ако некој мисли дека може со два куршуми да ме запре, тешко. Ќе ви требаат 30 куршуми – порача тој од болница по нападот.
Хатиќ беше поврзуван со Маја Маринковиќ, но старлетата веднаш по инцидентот изјави дека не го познава.
– Не сум запознаена што се случило. Не го познавам човекот, се сликал со мене еднаш кога се сликаа многу луѓе во Сараево, ништо повеќе од тоа – рече таа.
Сепак, таа не е единствената јавна личност со која Мирза Хатиќ имал „историја“ во реалити светот.
