Актерот Александар Михајловски откри дека татко му Тони го избркал од работа поради неговата неодговорност.
Тони Михајловски едно лето држел шанк во Охрид, а син му доаѓал и му помагал во миење на чаши, раскажа Александар во поткастот на Стефан Лазаров.
– На шанк имам со татко ми работено уште пред 14-15 години, па ме избрка од работа. Имаше шанк во Охрид, јас работев, миев чаши и нон-стоп ескивирав. Ќе одам настрана, цигарче, едно-две.
Доаѓа и ми вика: ‘Александар, чашиве не се испрани, од утре да не ми доаѓаш на работа!’ И останав, помагав кога како. Следната година, шанкот до нас што беше, јас го држев цел.
Правев набавки, бев менаџер на тоа, запишував, маркер бев, служев како келнер“, рече Александар Михајловски.
Александар Михајловски, постариот син на Тони Михајловски, во јули во 2018 се ожени со својата колешка, прилепчанката Ангела Мицкоска. Двојката се сврши во јануари истата година, една година пред тоа го добија синот Матео.
