Тоа не беше обична вртоглавица туку срцев удар, се дозна речиси еден месец откако пејачката Тереза Кесовија заврши во болница на крајот на август, кога беснееја жештините.
Тој 22 август легендарната пејачка не се чувствувала добро, па со Брза помош била пренесена во Њу Хоспитал во Загреб.
-Што се случи? И што би се случило? Не беше добро. Повеќе би сакала да не пишувам за тоа, бидејќи има луѓе на кои им е многу полошо од мене – изјави тогаш Тереза од болничката соба.
Неколку недели подоцна, таа откри што навистина се случило.
– Тоа беше срцев удар. Да дојдев само половина час подоцна, немаше да бидам жива – изјави пејачката за хрватски „24 сата“ и додава:
– Отидов и на коронографија, тоа страшно ме болеше, неописливо. Но, сега е добро, се пазам и одиме понатаму – изјави неуништливата Тереза, чија здравствена состојба ја загрижи нејзината бројна публика, пријателите и колегите низ целиот регион.
Но музичката дива ги смирува сите. Таа не сака да зборува за своите маки, бидејќи не е од оние луѓе кои сакаат да ги истураат своите проблеми во преден план. Така беше и на крајот на август, кога едвај за хрватските медиуми откри дека Брзата помош во тие денови дури двапати дошла да ја земе од дома и пренесе во болница.
