Кели Насименто, ќерката на најдобриот фудбалер на сите времиња Пеле кој почина денеска , на својот Инстаграм профил објави фотографија на која целото семејство се држи за рака покрај фудбалерот и напиша емотивна порака.
– Сè што сме ние е благодарение на тебе. Те сакаме бескрајно, почивај во мир – напиша на Инстаграм ќерката на легендарниот фудбалер.
Пеле е единствениот играч кој трипати освоил Светско првенство со својата репрезентација и тоа во 1958, 1962 и 1970 година. Во 2000 година од страна на ФИФА тој беше прогласен за играч на векот.
