Пејачката Тамара Волческа и пејачот Јамин Алиевски, извадија многу забавен дует, вистински летен хит. Песната со наслов „Балкански регетон“ е музика којашто одлично ќе ви легне во автомобилот додека се возите накај плажа.
Овој интерсен дует е полн погодок, и двајцата имаат преубави гласови кои совршено се совпаѓаат.
Видеозаписот е снимен покрај вода, има кадри од базен и кадри од плажа. Атрактивната Тамара плени со својот изглед во костим за капење истакнувајќи ги своите облини. Харизматичниот Јасмин облечен целит во бело, пак, само ја надополнува целата убава летна атмосфера.
Пејачите ги здружиле силите, енергијата и креативноста и во создавањето на оваа песна. Зад текстот на песната се потпишува Волческа, а музиката е на Алиевски.
Изборот да пејат на српски јазик е бидејќи целата продукција на проектот е на „Гранд“. Во секој случај убава шанса за пошироката јавност да ги запознае овие квалитетни млади македонски пејачи.
