Карла Бруни, Хелена Кристенсен и други супермодели му оддадоа почит на модниот дизајнер Пако Рабан, кој почина на 3 февруари.
Легендите на модните писти му посветија објави на Инстаграм на покојниот мајстор на модата.
„Почивај во мир Пако“, напиша супермоделот, сопруга на поранешниот француски претседател Никола Саркози, Карла Бруни. Овие зборови поранешната прва дама ги надополни со архивски фотографии од ревиите на Пако Рабан, во кои учествувала во младоста.
View this post on Instagram
„Ти благодарам за твојата уметност, за толку брилијантниот и уникатен дизајн. Отсекогаш сакав да ја носам твојата облека“, напиша Хелена Кристенсен. Данскиот супермодел објави и неколку снимки од модната писта.
„Икона засекогаш“, напиша бразилскиот супермодел, поранешниот ангел на Викторија Сикрет Изабели Фонтана.
И британската манекенка Адвоа Абоа го нарече починатиот моден дизајнер „еден од најдобрите“.
Сочувство за смртта на Пако Рабан изразија и Хелена Кристенсен, Имаан Амам, Стејси Мекензи, Алексина Греам, Жизел Оливеира и многу други.
View this post on Instagram
Веста за смртта на Пако Рабан ја соопштија претставниците на Домот на Пако Рабан на 3 февруари. Беше објавено дека модниот дизајнер починал во својот дом во селото Портсал, во северозападна Франција, но причината за смртта не беше именувана. Модниот гениј не го дочека роденденот само за две недели – на 18 февруари ќе наполнеше 89 години.
