Српската пејачка Маја Маријана имала итна операција по несреќата што неодамна ја доживеала, а сега успешно се опоравува и продолжила да работи. Откако го скршила зглобот, таа сега првпат се појавила во јавност.
Маја била оперирана поради фрактура на зглобот на глуждот на три места, а процедурата е извршена во Ортопедскиот институт „Бањица“. Иако мислела дека во прашање е ситниц, се покажало дека е многу посериозна работа.
Сега се појавила во јавност за првпат два месеца по операцијата. Пејачката дошла на еден настан и се движела со тешкотии користејќи патерици.
Лицето го сокрила зад темни очила и носела долг, црн капут, но и покрај тоа, била насмеана.
– Ви благодарам за интересот, добро сум, посветена на закрепнување и што побрзо враќање на нозе. За жал, го скршив глуждот на три места, ме оперираше исклучителен ортопед, д-р Зекиќ, во Ортопедскиот институт „Бањица“, па сигурна сум дека ќе бидам како порано – рекла Маја Маријана.
– Маја се повреди на 30 септември. Умираше од болка, а ситуацијата беше нималку безопасна. На почетокот мислеше дека не е ништо сериозно, но кога слушна дека мора да се подложи на операција, беше шокирана. Беше оперирана во Бањица пред неколку дена, поточно на 7 октомври, и сè помина во најдобар ред – рекол тогаш извор близок до Маја и додал:
– Сега ја чека период на одмор и закрепнување за повредата правилно да заздрави. Таа нема да се појавува извесно време, туку ќе одмора дома опкружена со најблиските.
