Специјално видео од синот Благоја, сподели Адријана Алачки, пејачка и водителка на емисиите „Вкусот на традицијата“ и „Везилка“ на нејзиниот инстаграм-профил.
Адријана на својот Баже му го честиташе роденденот со уникатно видео од него како свири гитара. Тој е инаку музичар кој е доста ангажиран.
Во април во 2024, Благоја Алачки и Лина станаа родители на Јован. Адријана и нејзиниот поранешен сопруг, Горан Алачки се инаку баба и дедо и на Јана од ќерката Грациела и зетот Игор Димовски, која има 10 години.
Емотивен статус на синот за роденденот, му посвети и татко му, познатиот музичар Горан Алачки: „Нека е убав денот ,.. 31 година … Патувај низ животот со мислата Татко…. Среќен роденден сине мој…“, напиша Горан Алачки.
-Синко, кога беше мал едноставно беше да ги искажам желбите за тебе и да ги остварам. Но, на возраста на која си сега, желбите од мајката се непроменливи, но сѐ е во твоите раце за нивната реализација. Одговорно и храбро пред себе, само ти можеш да ги исполниш и да стоиш цврсто пред твоите планови и одлуки. Сѐ зависи од тебе. Биди ми жив и здрав – беше честитката на Адријана Алачки за роденденот на синот во 2018.
