Сопругата на актерот Брус Вилис, Ема Хеминг, ја коментираше веста дека неговата поранешна сопруга Деми Мур се преселила кај нив. Објавата ја постираше на својот Инстаграм профил.
Во март 2022 година, на Брус Вилис му беше дијагностицирана афазија. А во февруари оваа година се дозна дека актерот боледува и од деменција на фронталниот лобус.
Борејќи се со болеста, на Брус Вилис му помага неговото семејство – неговата сопруга Ема Хеминг и нивните заеднички ќерки Мејбел и Евелин. Но помош имаат и од поранешната сопруга Деми Мур и неговите ќерки од бракот со неа – Румер, Скаут и Талула.
View this post on Instagram
Што се однесува до самата поранешна сопруга, според пишувањата на медиумите, таа дури се вселила кај бившиот сопруг за да го чува. Меѓутоа, Ема ја демантираше веста за преселбата на Деми Мур кај нив.
„Тоа е толку глупаво. Ве молиме престанете“, им рече таа на новинарите на социјалните мрежи.
Брус Вилис беше во брак со Деми Мур околу 13 години, од 1987 до 2020 година. Поранешниот пар има три ќерки: Румер (34), Скаут (31) и Талула (29). Во 2009 година, актерот се ожени со Ема Хеминг, која е 23 години помлада од него. Нивната ќерка Мејбел е родена во 2012 година, а Евелин во 2014 година. И покрај разводот, Вилис и Мур одржуваа пријателски односи.
