– Во следните седум до десет денови и понатаму во Македонија продолжува периодот на стабилно, суво и сончево време. Повремено ќе има и мала локална облачност а само утре во планиските предели ќе има услови за попладневен локален и слаб дожд. Наутро по одделни котлини и речни долини ќе има услови за појава на магла, додека во текот на денот ќе дува слаб до умерен ветер претежно од северен и од североисточен правец. Наутро температурите ќе се спуштаат во интервалот од 4 до 10 степени, додека во југоисточните предели истите се очекува да останат само малку над 10 степени. Максималните дневни температури пак ќе се искачуваат во интервалот од 22 до 28 степени, додека од четврток истите ќе бидат малку пониски и ќе се искачуваат во интервалот од 19 до 24 степени.
Во Скопје и понатаму продолжува долгиот период на стабилно, суво и претежно сончево време. Наутро низ котлината ќе има услови за појава на магла, додека во текот на денот ќе дува слаб до умерен ветер од северен правец. Минималните температури ќе се спуштаат во интервалот помеѓу 6 и 8 степени, додека максималните дневни ќе се искачуваат во интервалот помеѓу 24 и 26 степени. НАПОМЕНА: Овие температури кој ги имаме во моментов се НЕВООБИЧАЕНО ВИСОКИ за овој дел од годината. Истите се повисоки од просечните дури за околу 10 степени – вели метеопрогнозерот Славчо Попоски.
