– Во следните денови и понатаму времето во Македонија ќе биде сончево и МНОГУ ТОПЛО со мала до умерена локална облачност. Ќе дува слаб до умерен, повремено и тоа особено Долж Повардарието засилен ветер од северен правец.
Исклучок ќе биде утрешниот ден кога во попладневните и во вечерните часови локално ќе биде нестабилно со краткотраен пороен дожд, грмежи, засилен ветер и со услови за ретка појава на град.
Температурите ќе се искачуваат во интервалот од 30 до 38 степени, додека мал пад на истите ќе има во почетокот од следната недела. Тогаш максималните температури ќе се искачуваат во интервалот од 27 до 36 степени.
Нов значителен пораст на температурите ќе има од среда па натаму и истите тогаш во најтоплите предели ќе надминуваат дури и 40 степени. Ув – индексот и понатаму ќе има ЕКСТРЕМНО ВИСОКА вредност и ќе изнесува коефициент 10, па токму поради ова на граѓаните им советуваме да се заштитуваат од лошото влијание на сонцето, но и да пијат што повеќе течности. Во Скопје и околината времето во следните денови ќе биде претежно стабилно, суво и сончево со мала до умерена локална облачност. Ќе дува слаб до умерен, повремено засилен ветер од северен правец. Исклучок ќе биде утрешниот ден кога во попладневните часови има помали услови за локална нестабилност. Температурите ќе се искачуваат во интервалот од 31 до 34 степени – вели метео прогнозерот Славчо Попоски.
