Една од најголемите музички ѕвезди на новата генерација, Теа Таировиќ, е во центарот на голем скандал на естрадата, откако се дозна дека со години била изневерувана и поткрадувана од својот најблизок соработник – кореографот, кој воедно ѝ бил и кум.
Пејачката уште од почетокот на кариерата соработувала со истиот кореограф, кој ѝ помогнал во сценските настапи и спотовите. Нивната професионална соработка со текот на времето преминала и во приватна блискост – таа му била кума на свадбата, а меѓу нив владеела доверба без сомнеж. Но, токму тоа доверие, според изворите, тој го злоупотребил.
Теа никогаш не се занимавала со исплатите кон танчерите, туку целосно му верувала на кумот. Тој од неа земал поголеми суми, а на танчерите им исплаќал само дел од парите – многу помалку од договореното. Разликата завршувала во негов џеб.
Скандалот изби кога до пејачката стигнале гласини дека танчерите се жалат на ниски хонорари. Збунета, бидејќи секогаш мислела дека плаќа повеќе од колешките, Таировиќ директно разговарала со еден од нив и дознала вистински износи. Се почувствувала изневерено, повредено и посрамено, бидејќи во јавноста се создавала слика дека таа не ги цени луѓето со кои работи.
„Му веруваше слепо, беше негова кума и го почитуваше како најблизок човек. Ова сознание тешко ѝ падна, но веднаш по разговорот ја прекина соработката и јасно стави до знаење дека нема враќање назад“, вели извор близок до пејачката.
Теа Таировиќ има над 50 песни, речиси сите со спотови во кои учествуваат танчери. Покрај тоа, одржала десетици концерти низ целиот Балкан, секогаш со голема продукција и сценски настапи. Според неофицијални проценки, кореографот и кумот во текот на пет години успеал да присвои значителна сума на пари што всушност ѝ припаѓале на танчерите.
Иако скандалот предизвика големо внимание во јавноста, од прес-службата на пејачката кусо соопштија дека Теа Таировиќ нема јавно да ја коментира оваа тема. Таа е фокусирана на новиот албум и на концертите, решена да ја продолжи својата кариера без луѓе кои ја изневериле и ја поткрадувале.
