Љубовната приказна на Вељко Ражнатовиќ и Богдана Родиќ не наликува на ниту една претходна врска што ја имал згодниот син на Светлана Ражнатовиќ. Иако Вељко важеше за фатален ерген и беше во бројни врски, сè се промени во моментот кога ја запозна Богдана.
Интересно е што прва ја забележала Анастасија Ражнатовиќ, а потоа и самиот Вељко. Богдана го освоила со своето држење, смиреност и недостапност, што кај Вељко разбудило уште поголем интерес и желба дополнително да се потруди околу неа.
По неколку месеци врска, на нејзината рака засветкал веренички прстен, а свршувачката поминала во духот на традицијата. Љубовта била крунисана со брак во 2019 година, а неколку месеци подоцна на свет дошол нивниот прв син, Жељко.
Денес, Богдана и Вељко имаат три дечиња. А малкумина знаат со што точно Богдана успеала да го освои Вељко.
Таа овие детали ги откри во емисијата „Цеца шоу“.
„Запознавањето со Вељко беше единствено уште од самиот почеток, што доведе до неверојатна поврзаност, а потоа и до создавање голема љубов и семејство кое за нас претставува вистински благослов.
Сè започна така што јас го одбив, затоа што знаев каков е. Тоа кај него разбуди уште поголема желба, а подоцна прерасна во голема љубов“, изјави Богдана.
