Халид Бешлиќ е роден на денешен ден во 1953 година. По тој повод, неговиот син Дино му посвети емотивна објава на Инстаграм. „Тато, денес ќе наполнеше 72 години. Знам дека никогаш не сакаше да го славиш, но ние денес ти организиравме нешто мало. Немој да се лутиш на нас, те сакаме многу“, напиша Дино.
Семејството и пријателите се собраа на гробот
Семејството на Халид и неговите најблиски пријатели се собраа на гробот за да му оддадат почит и да се присетат на заедничките моменти. Во тишина беше прочитана Фатиха (првото поглавје од Куранот, молитва за упатување на „правиот пат“). Првпат по смртта на пејачот, во јавност се појави неговата сопруга Сејда, со која беше во брак 48 години.
На гробот пристигнаа и нивниот син Дино со внукот, како и Халидовите колеги и пријатели: Емир Хаџихафизбеговиќ, Енес Беговиќ, Назиф Глива, Самир Кадириќ и други.
„Мој Халид е најдобриот татко на светот“
Единствениот син на славниот пејач, Дино Бешлиќ, отсекогаш со гордост зборувал за своите родители и семејниот живот. Познат по својата искреност и едноставност, тој често нагласувал колку Халид и неговата сопруга Сејда биле грижливи и поддржувачки.
„Па јас сум популарен повеќе од мојот татко! Каде и да се појавам, луѓето ме поздравуваат, сакаат да зборуваат со мене, секогаш се смееме. А не пеам и не сум дел од естрадата. Делувам од сенка. Ма, мојот Халид е најдобриот татко на светот, исто како и мојата мајка Сејда“, рече Дино во интервју за Express.
