Музичката ѕвезда Северина на својот Јутјуб-канал го промовираше спотот за новата песна „Нисам крива ја“ („Безосечајна“). Со ова остварување, таа ја отвора вратата кон нејзината најнова и исклучително амбициозна музичка трилогија.
Станува збор за една од нејзините најинтимни поп-рок балади во изминатите неколку години. Песната зборува за емоционалните лузни, за стравот од повторно препуштање на љубовта и за моментите кога човекот повеќе не знае дали се штити себеси или бега од сопствените чувства.
Визуелно уметничко дело
Посебно место во целиот проект има видеоспотот, којшто ја надминува класичната музичка продукција и функционира како самостојно уметничко дело. Режијата ја потпишува Петар Пашиќ, кој создаде визуелно силен свет на границата меѓу филмот и театарот.
Музиката за песната ја напиша Бојан Васиќ, текстот е на Данијел Павловиќ, а аранжманот го направи Иван Попескиќ.
Три песни — три лица на една жена
Оваа песна е само првиот чин од најавениот проект. Во следните неколку денови Северина ќе ги објави и преостанатите две песни од трилогијата — „Позови ме ти“ (Анксиозна) и „Свирајте ми Раѓај синове“ (Савршена).
Преку овие три теми таа претставува три различни внатрешни состојби и три лица на современата емоција обединети во еден музички концепт.
