Денес роденден требаше да прослави Сара Пројковска, пејачката која трагично го загуби животот во пожарот во Кочани на 16 март.
Нејзината најдобра пријателка, Ана Костадиновска која заедно со Сара пееше придружни вокали долги години, со емотивни зборови се сети на неа. „Денес ти е роденден, летај сестричке“, напиша на социјалните мрежи Ана, и сподели неколку слики од нивните дружења.
На една од сликите е и Каролина Гочева, која исто така беше многу блиска прикателка со Сара, која инаку беше професорка на Факултетот за музичка уметност во Скопје.
-Сара беше прекрасна личност, жена-светлина. Секој миг поминат со неа ми ја грее душата. Тука е и секогаш ќе биде, сѐ додека дишам и постојам. Пеењето секогаш ми било единствен лек за секоја душевна болка. Но, секако не беше лесно враќањето на сцена.
Среќна сум дека се случи покрај Каролина, која беше можеби единствениот човек покрај кој беше можно да запеам во тој момент. Таа е моја и на Сара долгогодишна пријателка, со која имаме навистина посебна врска – рече Ана Костадиновска неодамна за „Слободен печат“.
