Сè уште ме „дрндаат“, еве сум тука во полиција, вели српскиот глумец Сергеј Трифуновиќ по инцидентот дека го шетал кучето без поводник.
– Брате, отидов да пливам со кучето, пливавме во море, некоја луда жена ме пријавила, затоа што претпоставувам дека се плаши од кучето. Таа ми рече зошто кучето не е на поводник, па како ќе биде кога ќе плива со мене во море, да ти *бам! И така, многу глупости. Не можам сега повеќе да зборувам, нервите ми се… – рече актерот за хрватска Слободна Далмација и додава дека ќе им го испрати знакот на кој пишува дека е дозволено да се шета со кучиња.
Во истиот момент кога го прашале дали ги навредувал полицајците, врската била прекината.
Потсетуваме дека сплитските полицајци вчера околу 19 часот го приведоа познатиот актер Сергеј Трифуновиќ зашто шетал куче без поводник.
