За животот со наркотици и алкохол, актерот Александар Михајловски искрено раскажа, и откри дека иамл проблеми со менталното здравје. Синот на Тони Михајловски, во подкастот на Стефан Лазаров си ја отвори душата.
-Сум го живеел тој живот, јако. Ова го зборувам за да кажам дека е лош пример. Ова не го кажувам како нешто со кое што се гордеам, Менталното здравје ми беше на најниско ниво во еден период. Ја имав забаталено мојата кариера.
Побитно ми беше да заглавам до 5 саат сабајле со тањирот и со пиење и со сите сра*а, и сабајле да станам и да бидам тотално непрофесионален. Сум има сериозни ноќи непреспиени. Тоа ми било најбитно, брат.
Сум се будел и од сабајле, и од рано наутро до вечер. И ништо не ми било свето. Многу е зае*ано тоа брат, дисциплината е спасот, тоа алкохолот и дрогите е живо с*ање. Мангуп не си ако можеш да средиш два грама и да испиеш вечерта литро виски, и да се степаш.
Тоа ме донело до тепачки, ме донело до тоа да ме избодат со нож, да, такви некои филмови уличарски. Тоа ми било светиња.
На прашањето дали бил зависен, актерот одговори: „Да бе да, не можев да се замислам без да дувам и да пијам. Јас сам се излечив со спорт. Почнав да трчам. 4-5 години не пијам алкохол, не консумирам никакви наркотични супстанци, две години не дувам.
Сакам младите да сватат дека тоа е погрешно“, рече Александар Михаловски.
