Соња Башиќ, поранешната љубовница на Халид Муслимовиќ, се огласи откако пејачот тврдеше дека судската одлука да ѝ плати отштета е измислица.
Муслимовиќ е осуден за насилство и казнет со 1.100 КМ (околу 500 евра). По неговото демантирање, Соња му порача дека подготвува „пеколен план“, пренесува Informer.
– На тој Халид, кој тврди дека е чист и чесен, му е забранет влез во Америка, Канада и не му е дозволено да стапне во Австралија, каде што живеам. Тој рече дека моите изјави и судските извештаи се измислени и дека некој сакал да го намести. Вели дека не е осуден, а не приложил ниту еден доказ или пресуда. Нема пресуда на која пишува дека Соња Башиќ измислува и лаже, а дамката на нејзиното име, Халид Муслимовиќ, не може да се избрише, и тоа најмногу го боли – изјави таа за Телеграф.рс, додавајќи:
– Секогаш кога новинарите го прашуваат за случајот со насилство, тој се насмевнува и вели дека е задоволен од пресудата. Зошто не каже дека сто пати се жалел и се обидел да го одолговлекува судењето за да застари случајот? Но, залудно – судијата напиша дека е виновен и му изрече казна, која никогаш не ја плати. Мојот адвокат сега подготвува конечна тужба за наплата на долгот, бидејќи нарцисот нема повеќе на кого да се жали. Можеме да се судиме сто пати, но секој пат ќе губи. Наместо да шета низ Белград, треба да види како да го наполни Сава Центарот, бидејќи ни тоа не може да го направи како што треба. Можам само да му кажам да ги спреми клучевите од куќата, кои наскоро ќе му ги одземам – долгот мора да се подмири.
Од друга страна, Халид Муслимовиќ тврди дека сè е наместено и дека не може да биде осуден.
– Постои судска пресуда, каде што пишува дека сè било наместено и подготвено. Судот го кажа своето. А она што се зборува сега, тоа се некои злобни намери, исто како на почетокот. Повторувам уште еднаш – судот го кажа своето, јас сум 300 проценти ослободен. Сè е наместено – изјави Халид Муслимовиќ за Хајп ТВ.
