Александра Пријовиќ се враќа на сцената. Пејачката се породи на почетокот на септември, па нејзините обожаватели мислеа дека по породувањето првиот концерт таа ќе го одржи дури следната година.
Сепак, Александра ќе го одржи својот прв концерт по породувањето на 29 декември во Црна Гора, објавува „Нова“. Таа требаше да одржи концерт на плоштадот во градот Бар на почетокот на годината, но го одложи поради трагедијата во Цетиње. Александра неодамна најави и концерт во Сава центарот во Белград, каде што ќе пее за Нова Година.
Според српските медиуми, 30-годишната пејачка се појавила во јавноста неколку пати по породувањето. Таа присуствувала на концерт на бендот „Лексингтон“ во Белград, каде што го отпеа својот хит „Све по старом“. После тоа, присуствувала на настап на Бобан Рајовиќ, а присуствувала и на роденденската забава на нутриционистката Ана Петровиќ во еден хотел во Белград.
На почетокот на септември, таа роди девојче во приватна клиника во Белград. Александра и Филип Живојиновиќ својата ќерка ја нарекоа Арија.
