Актерката Сара Џесика Паркер им одговори на сите кои ја критикуваат поради нејзиниот изглед. Паркер ја краси насловната страница на модната библија „Vogue“ за декември 2021 година и во разговорот ги коментираше негативните коментари кои се појавија на социјалните мрежи по објавувањето на продолжението на серијата „Sex and the City“ насловено „And Just Like That“.
View this post on Instagram
Поголемиот дел од „злобните“ коментари беа фокусирани на возраста и изгледот на главните актерки, Сара Џесика Паркер, Синтија Никсон и Кристин Дејвис.
„Имаше толку многу мизогини коментари за нашиот изглед кои никогаш не би биле упатени на маж. Воопшто не знам што да им кажам на овие луѓе. Седа коса, седа коса, седа коса. Дали таа има седа коса? Седам со Енди Коен и тој има глава полна со седа коса и никој не се прашува зошто“, вели актерката.
View this post on Instagram
Паркер додава дека тешко се справува со коментарите на социјалните мрежи бидејќи секој има нешто да каже. Посочува дека ги критикуваат или поради премногу брчки или затоа што другите колешки воопшто немаат брчки.
View this post on Instagram
„Изгледа дека речиси и не сакаат да бидеме океј сами со себе, без разлика дали ќе избереме природно стареење или не. Знам како изгледам. Немам избор. Што да направам во врска со тоа? Да престанам да стареам? Да исчезнам?“, праша таа.
