Кендис Бушнел, авторката на книгата „Сексот и градот“, според која е создадена истоимената серија, вели дека оваа приказна не е феминистичка и дека не треба да послужи како „пример како да се живее“.
Говорејќи за „New York Post“ за обожавателите кои во реалниот живот го применуваат она што наводно го научиле гледајќи ја серијата, таа изјави дека никогаш не треба да ја ставаат љубовната врска на прво место, како што тоа го направи Кери „бркајќи го“ Биг.
View this post on Instagram
„Реалноста е дека наоѓањето маж не е најдоброто „економско“ решение на долг рок. Мажите можат да бидат многу опасни за жените на многу различни начини. Никогаш не зборуваме за ова, но тоа е нешто за што жените треба да размислуваат. Серијата и пораката што ја испраќа не се феминистички. Сепак, тоа е телевизија, односно забава. Затоа луѓето не треба да го создаваат својот живот според серијата“, истакна таа.
View this post on Instagram
Бушнел ја напишала книгата врз основа на колумни за љубовни врски што ги пишувала за „New York Observer“ од 1994 до 1996 година. Заработувала дури илјада долари по колумна.
View this post on Instagram
Дарен Стар ги откупил правата и ја претвори книгата во успешна серија што се емитуваше на „HBO“ од 1998 до 2004 година. Снимени се и два играни филма, а наскоро ќе бидат емитувани 10 нови епизоди наречени „And Just Like That…“.
