Музичарот Милиќ Вукашиновиќ се присети на соработката со легендарниот Тома Здравковиќ и откри помалку познати детали за настанокот на вонвременскиот хит „Sećaš li se, Sanja“, кој првично не му бил наменет нему:
„Песната не ја напишав за Тома, туку за еден сараевски пејач. Но, кога Тома ја слушна, едноставно полуде по неа. рече дека тоа е најубавата народна песна што ја слушнал во животот“, раскажа Милиќ.
Тој се присети на драматичната ноќ во еден сараевски локал каде што Тома инсистирал да се сретнат, и покрај тоа што само што бил опериран:
„Ме викнаа во два часот наутро. Тома беше таму, излегол од болница и имаше завој преку стомакот под кој раната речиси му прокрвави, а тој веќе имаше испиено два литра вино. Не можеше да престане да ја слуша песната“.
Вукашиновиќ се осврна и на биографскиот филм за Тома, истакнувајќи дека не му се допаднало тоа што во филмот беа користени препеани верзии наместо оригиналниот глас на Здравковиќ:
„Не ми се допадна филмот. Зошто не го искористија оригиналот, она што го пееше самиот Тома? Без оглед на тоа колку добро отпеа Ацо Пејовиќ, тој сепак не е Тома Здравковиќ“, заврши Вукашиновиќ.
