Војната на 21 век се води и на социјалните мрежи. Откако ги блокираше сите западни социјални мрежи, Русија пишува ново поглавје na Инфовојната со Западот: во земјата доаѓа Росграм, „руската“ алтернатива на Инстаграм, која ветува дека ќе има дополнителни функции во споредба со американската.
„Руската алтернатива на Инстаграм со познати функции и алатки и мобилни апликации за Android и iOS ќе биде промовирана на 28 март“, изјави специјалистот за дигитален маркетинг Александар Зобов, додавајќи дека на почетокот новата платформа ќе биде достапна само за врвни блогери, инвеститори и спонзори, а целосно достапна и за обичните корисници ќе биде во април 2022 година.
Потоа се прецизира дека Росграм ќе има и дополнителни алатки за монетизација за корисниците: платен пристап до содржината, функција за собирање средства (crowdfunding), програма за упатување и други услуги.
