СОСТОЈКИ:
– 3- 4 модри патлиџани
– 2 топки моцарела
За доматниот сос:
– 2 главици црвен кромид
– 500 г домати
– 2 чешниња лук
– 300 г печурки
– босилек
– маслиново масло
– сол
ПОДГОТОВКА:
Измијте ги модрите патлиџани и исечете ги на кругови. Загрејте го грил-тавчето или, пак, испечете ги на тостер, додека омекнат.
За да го подготвите доматниот сос излупете го кромидот и исечете го на мали коцки, исто и печурките. Кромидот и исечканиот лук, ставете ги да се пржат во тавче со малку масло. Кога кромидот ќе омекне, додајте ги сечканите домати, па оставете ги да се крчкаат додека испари водата. Зачинете со сол и сечкан босилек. Во тавче (со димензии 27х27) ставете еден слој од сосот со домати, над него ставете малку сечкана моцарела и еден ред модри патлиџани. Продолжете со редење слоеви по ист принцип. Завршете со ред модри патлиџани, над нив доматен сос и ред моцарела. Ставете да се пече во рерна на 190 степени околу 20 минути. Нека се излади пред да послужите.
