Еспресо.мк започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на Инстаграм профилот (martinascookingg) .
Готви од мала, а со текот на годините и искуството научила дека најважна состојка во секое јадење е – љубовта.
Денес Мартина ни носи превкусен рецепт за Плазма торта.
– Одлична и најбрза торта која може да ја направите за не цели 10 минути. Вкусна, сочна и без печење. Одличен спој на мелена плазма, ресани и овошен јогурт со чоколаден дел, ни објаснува Мартина.
View this post on Instagram
ПОДГОТОВКА
Изматете ја хоплата и додајте го овошниот јогурт, исецканите ресани и мелената плазма. Смесата префрлете ја во плехче бр. 26/28. За чоколадниот дел ставете ги неизматената хопла и чоколадото искршено на парчиња во сад на оган или пареа.
Мешајте дури не се растопи чоколадото и префрлете го веднаш чоколадниот дел врз подлогата. Оставете најмалку еден час во фрижидер, па може да послужите.
Послужете ја во комбинација со малку слатко од јаготки и мини плазмички, за целосно топење во уста!, додава Мартина. Парче торта и шолја од омиленото кафенце или чај за убав почеток на неделата!
До следен рецепт и следно читкање, добар апетит!
View this post on Instagram
