Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм- профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи здрави овесни барови од 4 состојки. Вкусно и здраво благце кое ќе ви стане омилено. Доколку внимавате на исхраната или сакате здрава верзија на благо мора да ги пробате овие барови.
View this post on Instagram
Потребни состојки:
- 200 гр путер од јатки (бадем)
- 50 гр мед
- 80 гр овесни снегулки
- 50 гр суво овошје
Подготовка:
Многу се едноставни за правење, не се печат, а се што треба да направите е да ги измешате состојките. Доколку путерот и медот не ви се на собна температура прво загрејте ги на среден оган, на пареа или во микробранова. Убаво измешајте ги сите состојки заедно и натапкајте ја смесата на хартија за печење во мало плехче или тава со намрсени дланки. Оставете најмалку 20 мин во фрижидер, па исечете на ленти. Од дозава излегуваат 7 барови(3x10cm) како на сликата, но едно е доста големо и не верувам дека ќе можете да го изедете цело, па јас ги поделив уште на пола(3×5). Јас користев путер од бадем, но вие можете и со путер од кикирики, лешник или по избор. Од суво овошје додадов брусница и смоква, а и плус 2-3 сецкани бадеми.
