Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Потребни состојки:
- 200 гр лешници
- 50 гр чоколадо
по вкус:
- 1-2 лажици маслиново масло
- 2-3 лажици шеќер
- 2-3 лажици какао
View this post on Instagram
Подготовка:
Лешниците потпечете ги малку во загреана рерна на 200 С, околу 5-10 мин. Оставете ги кратко да се изладат и обавезно тргнете доколку има некоја лушпа на нив. Ставете ги лешниците во блендер или сецко и блендирајте ги само нив дури не добиете убав крем, убава хомогена кремаста смеса. Можете целосно да го оставите и вака, но мене ми е многу поубаво кога додавам 2 лажици какао и 50 гр растопено чоколадо. Додавам и малку маслиново масло, а вие може да си додадете и неколку лажици засладувач по желба(шеќер во прав).
