Изгледа дека бракот на Том Брејди и супермоделот Жизел Бундхен сепак ќе заврши – и двајцата ангажирале адвокати за развод, дознава Page Six. Како што претходно беше објавено, парот по големата кавга живееше одвоено изминатите неколку месеци и сега тие очигледно сакаат да ја поделат својата империја вредна милиони долари.
„Никогаш не мислев дека оваа кавга ќе биде крај на нивниот брак, но изгледа дека е така. Мислам дека веќе нема враќање назад. И двајцата имаат адвокати и веќе се информираат што ќе значи оваа разделба, кој што ќе добие и како ќе ги поделат финансиите“, вели упатен извор за Page Six.
View this post on Instagram
Спортистот и манекенката и понатаму молчат на оваа тема, а извори блиски до парот, кој е во брак од 2009 година, тврдат дека и двајцата се многу фокусирани на децата и дека планираат да имаат заедничко старателство. Жизел и Том имаат 12-годишен син Бенџамин и 9-годишна ќерка Вивијан, а Брејди го има и 15-годишниот син Џек со поранешната партнерка Бриџит Мојнахан.
View this post on Instagram
Двојката најверојатно ќе поднесе барање за развод на Флорида и размислува да го подели својот имот вреден 26 милиони долари. Брејди моментално е најплатен играч на НФЛ, вреден 250 милиони долари.
