Во вторникот лавина погодила група планинари на Хималаите, при што загинале најмалку четири лица, а 28 од нив се водат како исчезнати, јавува Си-Ен-Ен.
Планинарскиот институт Нехру во вторникот соопшти дека група од 34 планинари и седум инструктори биле на планината Драупади ка Данда II во државата Утараханд кога ги погодила лавина околу 8:45 часот. Во тек е операција за пребарување и спасување, јавува Си-Ен-Ен.
„Длабоко сум потресен од загубата на скапоцени животи поради лавината што погоди планинарска експедиција организирана од Институтот за планинарење Нехру“, напиша на Твитер индискиот министер за одбрана Рајнат Синг.
Минатата година, повеќе од 200 луѓе загинаа откако се урна дел од глечер во Утараханд.
Deeply anguished by the loss of precious lives due to landslide which has struck the mountaineering expedition carried out by the Nehru Mountaineering Institute in Uttarkashi. My condolences to the bereaved families who have lost their loved ones. 1/2
— Rajnath Singh (@rajnathsingh) October 4, 2022
