Легендарната пејачка и актерка Сенка Велетанлиќ почина на 19 јануари, на 90-годишна возраст. Сенка, која беше подеднакво сакана низ сите краеви на поранешна Југославија, ќе биде погребана во вторник, 27 јануари, на Новите гробишта во Белград.
Информацијата за последното испраќање ја соопшти нејзиниот син, познатиот музичар Васил Хаџиманов.
„Голема благодарност до сите за искрените пораки, повици и писма. Мислам дека ни Сенка не беше свесна колку беше почитувана и сакана и по сите овие години. Испраќањето ќе се одржи во вторник, 27 јануари, во 12:30 часот, на Новите гробишта во Белград. Урната подоцна ќе биде положена во Алејата на заслужни граѓани“, напиша Хаџиманов.
Сенка Велетанлиќ остави длабока трага во музиката и филмот, а нејзиното дело ќе продолжи да живее преку генерациите што ја сакаа и почитуваа.
