Пејачката Зорица Марковиќ неодамна проговори за тешката операција на срцето која ја имала пред повеќе од десет години, а во таа прилика откри дека неколку минути ја делеле од сигурна смрт.
Како што тогаш изјави Зорица, на крајот сè поминало добро благодарение на брзата реакција на лекарите.
-Таа операција беше толку тешка што буквално две минути ме делеа од смртта. Докторот истрча кон мене, тимот реагираше со молскавична брзина и ме спасија. Свесна сум колку беше сериозна ситуацијата, но Господ неколку пати ме спаси – изјавила пејачката.
Марковиќ истакна дека во тие моменти размислувала само за синовите и дека дала сè од себе да закрепне што е можно повеќе за да може да биде со нив.
– Знам дека Господ е секогаш со мене и дека не ме напушти. Тоа е само доказ дека сум добар човек. Знам што сум направила во животот и на кого сум помогнала и како. Моите синови се големи, но знам колку им значам, затоа живеам за нив. Се борам и знам дека тоа е голема работа за нив – додала Зорица.
