Во време на велигденските пости, кога имате желба за нешто благо, овој колач е како создаден за вас.
Потребни состојки:
210 мл топла вода
110 гр кафеав шеќер
180 гр интегрално брашно
Четири изрендани јаболка
200 гр сецкани ореви
100 гр суво грозје
2 полни лажици овесни снегулки
Една кесичка прашок за пециво
Една лажичка сода бикарбона
Рендана кора од еден портокал
За сируп:
200 гр кафеав шеќер
200 мл вода
Една кесичка ванилин шеќер
Зачини (кардамом, кандирани овошја, цимет, ѓумбир…)
Подготовка:
Во сад за мешање ставете ја топлата вода и додадете го шеќерот, па мешајте додека да се стопи. Потоа додадете ги состојките по следниот редослед: рендани јаболка, брашно, овесни снегулки, прашок за пециво, сода бикарбона, суво грозје, сецкани ореви и кората од портокал. Измешајте и оставете ја смесата да отстои 15 минути.
Во калап за печење (28х20см) најпрво ставете хартија за печење, па посипете сецкани ореви. Сипете го тестото врз нив. Печете во загреана рерна на 200 степени Целзиусови околу 15 минути, а потоа намалете на 180 степени и печете уште 20 минути.
Испечениот колач треба да се излади во тепсијата. Потоа извадете го од тепсијата и вратете го со оревите нагоре. Исечете го на парчиња.
Настрана измешајте ги водата, шеќерот, ванилата и зачините. Направете шербет. Изладениот колач прелијте го со топлиот шербет. Послужете го изладен.
