По долго време, се огласи Ерзана, една од најпопуларните пајчки на нашата естрада која одамна не пее, но никако не е заборавена.
Во 2000 година, Ерзана го сними својот прв и за сега единствен албум, „Без зборови“, чии хитови сѐ уште се слушаат.
Тоа се песните „Ноќна кралица“, „Колекционер“, „На чекор од тебе“. Кусо откако стана популарна, таа се омажи за Ариан Превала, се пресели во САД и се повлече од музиката. Нејзиното моминско презиме е инаку Бериша.
Во 2019 година, сопругот на Ерзана, спречи трагедија во градот Мериден каде студентот-пилот, Ферас Фреитех од Јордан, во придружба на Превала кој бил инструктор по летање од неразјаснети причини намерно го насочил авионот Пајпер во густо населениот дел на градот, а потоа и во фабриката за воена опрема „Прат и Витни“.
Превала успеал некако да избегне авионот да не се урне во местата каде што има луѓе, ниту во фабриката каде што работеле над 300 луѓе. Пајперот се урнал во една од улиците во градот. Во несреќата загинал Феритех, а Превала доживеал изгореници по телото.
Ерзана, кога беше во Скопје пред неколу години, се сретна со колешката Елена Ристеска, а токму Елена на својот Инстаграм профил обваи новости од Ерзана. Елена порача дека Ерзана има нов профил на социјалните мрежи со име erzana.music и порача сите да ја заследат.
Ерзана засега има само една слика откако се огласи на профилот, но следбениците ја молат да ѝ се врати на музиката.
