Моника Левински со години беше во центарот на вниманието на медиумите откако беше откриена аферата со тогашниот американски претседател Бил Клинтон.
Последиците што ги остави овој секс-скандал врз нејзиниот живот и кариера се огромни, а таа конечно доби шанса да ја раскаже својата страна од приказната.
Во тоа време, младата Моника имала само 22 години и работела како приправничка во Белата куќа, а аферата ја разоткри нејзината колешка и пријателка снимајќи ги разговорите.
Нејзината приказна ќе биде раскажана како дел од „Импичмент американска криминална приказна“, а Моника морала да ангажира психолошка поддршка за повторното преживување на траумата.
Левински во серијата ќе ја отелотвори актерката Бини Фајнштајн која неодоливо наликува на младата Моника.
View this post on Instagram
Линда Трип, државна службеничка и наводна пријателка на Моника, снимила 22 часа нејзини разговори со претседателот и ги предала како доказ.
За потсетување, кога информациите за нивната афера протекоа во јавноста, изби невиден скандал, а Клинтон на почетокот го негираше тоа: „Немав сексуални односи со таа жена“, изјави тој на конференцијата во Белата куќа, стоејќи покрај својата сопруга Хилари Клинтон. Но, синиот фустан послужил како доказ бидејќи на него имало траги од ДНК на претседателот, по што тој бил принуден јавно да ја признае аферата со својата приправничка.
