Ирската пејачка и кантавторка 55-годишната Шинејд О’Конор, на Твитер ја потврди трагичната вест за смртта на нејзиниот 17-годишен син.
– Мојот прекрасен син, светлината на мојот живот, сега е кај Бога. Нека почива во мир и никој нека не го следи неговиот пример. Душо моја. Многу те сакам – напиша пејачката на Твитер.
Нејзиниот син Шејн наводно исчезнал во четвртокот, а полицијата веднаш тргнала во потрага. Последен пат бил виден во населбата Талахт во јужен Даблин, а во саботата полицијата објавила дека потрагата е прекината, пишува Дејли Мејл. Странските медиуми пренесуваат дека младиот Шејн бил хоспитализиран по обидот за самоубиство и дека побегнал од болницата, а пејачката се заканила со тужба за болницата од која побегнал нејзиниот син.
„По откривањето на телото во Бреј, Виклоу, во петокот (7 јануари), истрагата за исчезнатиот 17-годишен Шејн О’Конор е прекината“, изјавил портпаролот на полицијата.
Пејачката има уште три деца, синот Џејк Рејнолдс (34), ќерката Роисин (25) и Јешу (15).
My beautiful son, Nevi’im Nesta Ali Shane O’Connor, the very light of my life, decided to end his earthly struggle today and is now with God. May he rest in peace and may no one follow his example. My baby. I love you so much. Please be at peace:
— Sinead The 1 And Only (@OhSineady) January 8, 2022
