Актерот Џереми Ренер беше тешко повреден викендов, но сега е во стабилна состојба.
Неговиот портпарол изјави за „Холивуд Репортер“ дека актерот се здобил со повреди по несреќа поврзана со лоши временски услови додека го чистел снегот.
Актерот бил сам и се обидувал да го исчисти патот од својот дом до езерото Таксо.
Деталите за несреќата за ТМЗ ги открил неговиот сосед, кој рекол дека сечилото од возилото за чистење снег случајно му ја прегазило едната нога, поради што изгубил многу крв. За среќа му помогнал сосед кој е доктор, кој му ја преврзал ногата додека чекале брза помош.
Ренер потоа со хеликоптер бил префрлен во болница, каде што бил доведен во стабилна состојба. Извор близок до актерот изјавил дека повредите му биле големи и дека покрај ногата повредил и други делови од телото.
Да потсетиме, Ренер е најпознат по улогата на суперхеројот од филмот „Thor“, а се појави и во продолженијата на легендарниот филм на Marvel „The Avengers“.
