Пејачката Марија Шерифовиќ доби син пред три години со помош на сурогат-мајка, а за целиот процес во Америка морала да издвои помеѓу 160.000 и 193.000 долари.
Шерифовиќ го доби синот Марио пред две години со помош на сурогат-мајка. Пејачката потоа зборуваше за процесот низ кој поминала, а сега пејачката Нада Обриќ откри дека сурогат-мајката што го донесе на свет малиот Марио е мажена жена, има свое дете и е многу образована.
– Какви услови ѝ дала на таа жена, на таа сурогат-мајка, тоа е нереално. Таа жена доби „од птица млеко“. Притоа, таа не е нималку сиромашна жена, ниту неписмена, напротив, таа е високо образована. Има свое дете, има свој сопруг. Не знам како одлучила да биде сурогат-мајка, мислам дека тоа беше првпат за таа жена да биде сурогат-мајка – рекла Нада Обриќ за српските медиуми.
И Марија Шерифовиќ во својата исповед зборуваше за сурогат-мајката и целиот процес.
– Ужасно ми пречи што на Балканот, со должно почитување кон сите нормални, цивилизирани луѓе, луѓето седат под камен. Јас седам во Америка, се сончам и читам како луѓето седат во весници, емисии, утрински програми и велат како таа жена е врзана за радијатор, како таа е малтретирана личност, како е тоа… Почитувани господа, ова е постапка што бара илјадници документи, потпишани хартии. Мојата сурогат-мајка имаше масажи секој ден, хигиеничарка во куќата… Таму не станува збор за робовладетелство – рекла Марија.
