Разводот на пејачот Харис Џиновиќ и модната дизајнерка Мелина Галиќ и понатаму е тема која предизвикува внимание во јавноста. Иако поранешните сопружници веќе подолго време водат одвоени животи, нивните изјави покажуваат дека старите рани сè уште не се целосно залечени.
Додека Мелина го започна своето ново животно поглавје надвор од Србија, Харис повремено зборува за нивниот брак и развод. Во едно од своите последни интервјуа, пејачот порача дека не жали за минатото и дека не страда по љубовта која завршила.
„Зошто мислите дека патам? За брак? За љубов? Очигледно не била љубов. Да беше љубов, ќе останеше“, изјави Харис.
Интересно е што неодамна повторно се актуелизираше едно нивно старо заедничко интервју во кое Мелина откри дека, кога го запознала Харис, воопшто не знаела кој е тој и не била запознаена со неговата музичка кариера.
„Можеби ќе звучи смешно, но навистина не знаев ниту кој е Харис, ниту ги знаев неговите песни“, изјавила таа.
Но, Харис веднаш реагирал со своја верзија на приказната.
„Кога ме виде првпат, гледаше во мене како во споменик! Не можеше да поверува дека сум јас, па се штипеше“, рекол пејачот низ смеа.
Мелина тогаш возвратила дека тоа е само неговата верзија на настаните, но Харис останал упорен.
„Секоја приказна има вистина и лага, а јас ја кажувам вистината“, одговорил тој.
Модната дизајнерка, која потекнува од Бихаќ, објаснила дека пораснала во средина во која не се слушала неговата музика и дека не се движела во тие кругови.
Во меѓувреме, Харис неодамна отворено зборуваше и за односот со своите деца. Тој откри дека ќерката Џина заминала во Барселона, каде што студира и го гради својот живот, додека синот Кан и понатаму живее со него.
Поранешниот пар минатата година стави крај на повеќедеценискиот брак, а нивниот развод и понатаму привлекува големо внимание во регионалните медиуми. Иако секој тргна по свој пат, се чини дека нивната заедничка приказна сè уште предизвикува коментари и нови препукувања.
