Долгоочекуваниот биографски филм на Мајкл Џексон во режија на Антоан Фуква насловен „Мајкл“ ќе биде објавен во април 2025 година. Главната улога ја доби Џафар Џексон, син на Џермејн Џексон и внук на „кралот на попот“. Филмот ќе започне со продукција на 22 јануари и ќе биде продуциран од Греам Кинг, одговорен за филмови како „The Departed“ и „Bohemian Rhapsody“.
The Michael Jackson biopic will be released on April 18, 2025 starring Michael’s nephew Jaafar Jackson. pic.twitter.com/iqUffrMe2a
— Pop Base (@PopBase) January 11, 2024
Сценариото е на Џон Логан и според официјалниот опис, филмот ги прикажува триумфите, трагедиите, човечката страна и креативниот гениј на Џексон.
Првата вест за филмот дојде во 2019 година кога беше објавено дека Логан и Кинг повторно ќе соработуваат откако тоа го сторија во филмот на Мартин Скорсезе „The Aviator“ и „The Departed“
Кинг ги доби правата на имотот на Мајкл Џексон, со целата музика на 13-кратниот добитник на Греми, за да го сними филмот, а на почетокот на 2023 година беше објавено дека во филмот ќе глуми Џафар Џексон.
Jaafar Jackson rehearsing “Man in the Mirror” for the upcoming Michael Jackson biopic pic.twitter.com/nWWNal0yVe
— JR (@jamster83) January 13, 2024
Се уште не се знае дали и како во филмот ќе се осврнат на повеќекратните обвинувања за сексуално злоставување на малолетници за кои пејачот беше обвинет во последните години од животот, а специјализираните медиуми сметаат дека во проектот се вклучени и директори на имотот на пејачот кои може да влијае на наративот.
Во 2005 година Џексон беше ослободен од обвиненијата, но во 2019 година, десет години по неговата смрт, документарниот филм „Leaving Neverland“ повторно ги отвори сомнежите.
Во август 2023 година, судот во Калифорнија пресуди во корист на Вејд Робсон и Џејмс Сафечак, протагонистите на „Leaving Neverland“ и наводни жртви, кои поднесоа жалба на претходната пресуда и сега ќе можат да го продолжат својот случај против бизнисите што му припаѓаа на пејачот.
Џексон почина на 25 јуни 2009 година, на 50-годишна возраст од кардиореспираторен застој поради кој Конрад Мареј, лекарот на уметникот, беше осуден за ненамерно убиство.
