Пејачката Северина на својот Инстаграм сподели фотографии од новото патување на егзотична локација.
Северина ги „контактираше“ своите фанови од авионот во кој патува на егзотична дестинација, а од фотографиите може да се заклучи дека се работи за Тајланд.
На фотографијата од авион таа го напиша насловот на песната на Здравко Чолиќ: „Ти живееш во облаци малечка“.
Инаку, Северина моментно ужива навистина на посебна локација – тоа е скриено луксузно одморалиште на околу 45 минути од тајландскиот град Пукет.
Пејачката откри дека не патува сама. Со неа е и експертот за односи со јавност добро познат на хрватската публика, Давор Гргин, а во одморалиштето им се придружила и поранешната хрватска манекенка и претприемач Ива Радиќ.
Егзотичните острови се исклучително популарни меѓу познатите личности веќе долго време. Северина со своите обожаватели сподели видеа со прекрасни сцени од одморалиштето, од плажа, базен, природа и зајдисонца.
