Иако децата на регионалната мегаѕвезда Драгана Мирковиќ, Марко и Мануела, со години се држеа подалеку од очите на јавноста, деталите за нивните животи секогаш предизвикуваат огромен интерес. Она што малкумина го знаат е приказната зад името на нејзината ќерка Мануела.
Драгана Мирковиќ, која неодамна помина низ медиумски експониран развод од сопругот Тони Бјелиќ, секогаш со гордост истакнува колку нејзините деца се скромни и воспитани. Но, името на нејзината наследничка не е случајно избрано.
Пријателство посилно од славата
Мануела го добила името по познатата пејачка Мануела Ѓуровиќ, која заедно со својот брат Ненад Кострешевиќ ја сочинуваше ултрапопуларната група од 90-тите – „Твинс“ (Twins).
Мануела и Ненад беа многу блиски пријатели и соработници на Драгана во периодот на нејзината најголема слава. Мирковиќ била толку фасцинирана од добрината и искреното пријателство на пејачката, што одлучила својата ќерка да ја крсти токму по неа.
Зошто Мануела Бјелиќ бега од јавноста?
Иако нејзиниот брат Марко е поактивен на социјалните мрежи, Мануела избрала сосема поинаков пат. Таа во моментов нема профил на ниту една социјална мрежа и максимално ја избегнува медиумската експлозија.
„Ја замолив еднаш да облече мој фустан бидејќи е брендиран и ексклузивен, а таа не сакаше ни да чуе. Би ѝ било срам другарките да ја видат во такво нешто. Толку е скромна“, раскажа Драгана во една прилика.
И покрај разводот на родителите, Мануела негува одлични односи со двајцата. Неодамна ја изненади мајка си со влезници за нејзиниот омилен мјузикл „Фантомот од операта“, додека слободното време често го поминува и кај својот татко Тони во Опатија.
