Поп-пејачот Огнен Здравковски сподели емотивна приказна за Владимир Блажев- Панчо кој е уште на болнилчко лекување по трагичниот пожар кој се случи во дискотеката „Пулс“ во Кочани на 16 март.
Јавноста знае дека Панчо од ДНК е спортски тип и дека многупати се има качувано до врвот на Водно пеш, особено во време на ковид пандемијата.
Во една прилика, Панчо рече дека сака да е минимум 3 пати неделно активен, а исто така тој многу внимава на исхраната, се храни здраво и се грижи за неговата виталност.
Музичарот секогаш велел дека малите работи го правеле среќен, блиски пријатели, децата, спортувањето, Водно, музиката која ја твори и патувањата.
Еден од неговите пријатели е Огнен Здравковски, со кого доста време поминуваат заедно. Токму Огнен сподели еден емотивен спомен на Панчо од Водно, кога пред 5 години се качиле на врвот заедно со него и со раперот Таско.
„Стари мој, Бог и сите останати сме со тебе. Те чекаме да ни се вратиш што побрзо!“, стои во објавата на Огнен. Оваа приказна многугмина растажи, особено пријателите на Панчо кои реагирале на оваа објава.
