Анџелина Џоли и Бред Пит делат илјада хектари од францускиот имот „Chateau Miraval“, а некогаш ова место имало посебно значење за парот. Имено, токму на тој имот Џоли и Пит ја одржале тајната венчавка во 2014 година. Анџелина сега е обвинета дека се обидела да ја продаде својата половина без претходно да го извести Бред.
Како што пишуваат странските медиуми, имотот вреди 164 милиони долари, а поранешните сопружници станале рамноправни сопственици дури кога Бред ѝ препишал 10% удел во сопственост на Анџелина, така што тие повеќе не се во соодносот 60-40.
Наводно, како дел од нивниот договор, било дека мора да се консултираат едни со други пред евентуална продажба, што Анџелина не очигледно не го испочитувала овој договор.
Џоли поднесе барање за развод уште во 2016 година, по што двојката доби заедничко старателство над дел од нивните деца кои не се полнолетни. Но, актерката сака да има целосно старателство, а моментално трае борбата и на тоа поле меѓу поранешните сопружници.
Да потсетиме, покрај синот Медокс кој има 19 години, парот дели пет малолетни деца и тоа – Пакса (17), Захара (16), Шило (14) и близнаците Вивиен и Нокс (12).
