Уште една носталгична приказна за Панчо и Андреј од дуото „ДНК“ се појави на социјалните мрежи, а во неа е и пејачот Влатко Илиевски.
Владимир Блажев-Панчо почина на 14 октовмри откако седум месеци се бореше во скопска болница по трагичниот пожар во Кочани на 16 март. Андреј не успеа да се избори и почина брзо по пожарот.
Во пожарот загинаа и гитаристот Александар Коларов, тапанарот Ѓорги Ѓоргиев, придружниот вокал Сара Пројковска, клавијатуристот Филип Стевановски, инаку директор на Центарот за култура во Штип и Мартин Атанасовски, кој настапуваше со бендот како битбоксер.
ДНК често на своите настапи знаеја да испеат песна од Влатко Илиевски, миленикот на публиката кој почина на 6 јули во 2018 во Скопје. Токму спомен на Влатко и на ДНК оживеа Тина Мицковска, диџејка, вработена во „Зоолошка градина-Скопје“ и активист за правата на животните.
Мицковска веќе неколку недели црта виртуелни графити за кои се надева дека еден ден ќе станат вистински, со стихови од македонски песни како поддршка на македонската музика и на македонските пејачи и автори.
-Македонски музички вирутелни графити part 3. Да не ги заборавиме нашите Панчо, Андреј, Сара, Влатче. Да се потсетиме на сите убави песни од „наше” време (ова наше е релативно).
И секако уште еднаш поддршка за македонската музика, да ги мотивираме нашите музички артисти да творат уште повеќе – напиша таа на Инстаграм. Песните чии стихови се испишани се „Најбогат на свет“ од Влатко Илиевски и „Што сака нека биде“ од ДНК.
