Српскиот пејач Аца Лукас проговори за предлогот кој кружи по социјалните мрежи – да настапи за дочекот на Новата година во Сараево.
На прашањето на водителот што мисли за тоа, тој одговори: „Јас сум за, под еден услов, и ова го кажувам најискрено. Јас сум многу транспарентен: само ако сите знаат и бидат сигурни дека, доколку настапиме за Нова година во Сараево, нема да земеме ниту една единствена марка. Тоа го понудив и онаа година – и го кажувам повторно“.
Тој додаде дека финансискиот аспект не игра никаква улога.
„Не постои финансиски ефект што би бил пресуден да пеам за Нова година во Сараево. А искрено да ти кажам — би сакал. Зошто? Затоа што знам од кои страни ќе дојдат луѓе да слушаат, знам дека нема да има ниту еден мрачен поглед, ниту лошо расположение. Конечно да им покажеме на тие што сакаат да живеат во разединување — дека се ретро, дека се минато. Пуштете нѐ да живееме, мене пуштете ме да пеам. Тоа најдобро го знам“, изјави тој.
