Фолк-легендата Благица Павловска и младата поп-ѕвезда Антониа Гиговска повторно го привлекоа вниманието на јавноста, откако заедно се појавија на фотографија која ја сподели Роберт Спасенцовски – Џокер, сопругот на Антониа.
„Ние сами вие сите“, напиша тој во описот.
Фотографијата не е случајна ако се земе предвид дека Благица и Антониа веќе имаат и музичка приказна зад себе. Двете пејачки пред извесно време ги споија генерациите со дуетот „Чукај срце“, преработка на стар хит на Благица. Во песната се појавува и Џокер, кој внесува дополнителна динамика со својот дел.
Оваа песна беше прифатена како необичен, но успешен спој на македонската естрадна традиција и современиот поп-звук.
Зад музиката стојат Дарко Димитров и Медо Чун, додека аранжманот го потпишуваат Димитров и Дамир Имери. Продукцијата е на Димитров, а текстот е заедничко дело на Димитров, Спасенцовски и Павловска. Придружните вокали ги изведува Гиговска.
Видеоспотот е реализиран од „Лимитед Рулс“, со Кристијан Теодоров како директор на фотографија, во соработка со професионална екипа што стои зад визуелниот концепт
