Водителката Цеце Николова која е израсната без родителска грижа, сподели приказна која тера солзи на очи. Таа сега е дел од Утринската програма на Тв „Канал 5“.
-Девојки, штотуку направив една чистка на шкафот како за крај на годинава, и сакам да ви подарам два фустани што може одлично да ги искомбинирате за најлудата ноќ. Двата се големина С и се носени по еднаш.
Пратете ѝ го следното стори на секоја девојка што знаете дека во моментов не е во можност да си дозволи ново новогодишно фустанче- напиша Цеце, а потоа сподели слики од неа во фустаните кои ги подарува.
Цеце Николова во повеќе наврати храбро и отворено зборува за алопецијата и за тешките мигови низ кои минала во животот, откако ја оставиле родителите. Години потоа, таа е среќна за сите успеси што сама ги постигнала. Како дел од тимот на утринската програма „Здраво Македонијо“, Цеце вели дека ужива пред камерите, но и во животот.
-Мојата огромна желба да не сум жртва во ничии очи ниту да живеам така, беше главниот мотив да пребродам сè и да продолжам понатаму. Во ред, ме оставиле родителите, сум имала тешко детство, но никогаш не сакав животот да го посветам на жалење по нешто што не сум го имала“- рече водителката за „Слободен печат“.
