Српската пејачка Александра Пријовиќ ја освои публиката кога за првпат стапна на сцената на српскиот музички натпревар на „Ѕвездите на Гранд“ во 2013 година.
Меѓутоа, најголемата популарност ја стекна кога, на почетокот на 2016 година, влезе во врска со Филип Живојиновиќ, посинок на Лепа Брена и син на Боба Живојиновиќ. Оттогаш, регионот го следи секој чекор на Александра Пријовиќ, а на многумина им е интересно нејзиното потекло.
Популарната фолк пејачка е родена во Сомбор. По разводот на своите родители, дел од детството го поминала со мајка си во Бели Манастир, а дел со татко си во Бачка Топола.
– И мајка ми Борка е пејачка. Од неа и научив да пеам. И баба ми по мајка пееше – рекла Александра и додала дека ѝ било чудно кога јавноста се шокирала од информацијата дека Бора, нејзиниот дедо по мајка, бил Ром.
– Јас тоа не го кријам и не се срамам. На Ромите песната им е во крвта, а како што се вели, крвта не е вода – рекла Александра Пријовиќ, а пренесе „Блиц жена“.
